YLE Colloquia Latina

Herimannus Marco ceterisque sodalibus sal.

Quamvis, Marce, similitudo exercitui Germanorum Russiam occupanti mihi minime oportuna videatur, agnosco me etiam ob domus et vicos deletos ab iisdem, qui ibi vixerant, obstipuisse.
Illi (non omnes!) cives Israel se Dei ipsius voluntate regiones illas occupavisse pro certo habent, et contra Dei voluntatem illinc exactos esse: non domos ibi desideraverant, sed terram patribus promissam. Si vi expulsi sunt, nemo dignus est ibidem habitare, in iisdem locis vitam ducere, nam solis electis hoc fas esse putant.
Me, ut catholicum "civitatem Dei" et "civitatem hominum" ab iuventute separans, haec nefasta commixtio rei publicae et religionis magnopere repugnat; eo magis te protestantem.
Sed meminisse iuvat partem magnam civium Israelis pacem et vitam communem bello perpetuo anteponere: nam "ubi caritas et amor, ibi Deus". Spero hunc animum pacis, quo communitas duum populorum aedificetur, abhinc praevelere!

Vale!

Novocomi, Idibus Septembribus MMV.

Marcus Herimanno s.d.p.
“Ubi caritas et amor, ibi Deus”: ita est, mi amice. Utinam aliquando tandem finis imponatur funesto isti furori omnia vastandi ! Quod ad exercitum Germanorum Russiam relinquentem attinet, me ira commotum paullum extra terminos egressum esse concedo. Vale. Idibus Septembribus.

Mercurius sodalibus s. d.

Heri in televisione vidi homines Palestinos, qui terram Gazensem esse recuperatam celebrarent, synagogas a Judaeis aedificitas summo cum furore diruere conari. Quo viso haud dubito, quin coloni Iudaei, qui agros suos relinquere coacti sunt, domibus deletis solum Palestinos in furiendo praeoccupare voluerint. Adde, quod Palestini huic demolitioni domuum maximo cum gaudio applauserunt, ac illam tamquam suam victoriam habuerunt. Valete. Ex castro Budensi, Idibus Septembris.

M. Favonius sodalibus s.
Quicumque his diebus de comitiis in Germania factis meditatur, eum legere oportet, quid Q. Cicero scripserit in Commentariolo petitionis (cf. cap. 11-13). Quae consilia ad candidatos pertinentia nonne hodie quoque valent ? Legite quaeso etiam Spartaci nostri nuntium 1922 (2004 Nov. 28, "Litterae Latinae" -> "Florilegium...")!
De simulandi necessitate:
Id, quod natura non habes, induc in animum ita simulandum esse, ut natura facere videare.
De blandiendi necessitate:
Opus est magno opere blanditia, quae, etiam si vitiosa est et turpis in cetera vita, tamen in petitione necessaria est.
De promittendi necessitate:
Homines enim non modo promitti sibi, praesertim quod a candidato petant, sed etiam large atque honorifice promitti volunt. Qua re hoc quidem facile praeceptum est, ut, quod facturus sis, id significes te studiose ac libenter esse facturum; illud difficilius et magis ad tempus quam ad naturam accommodatum tuam, quod facere non possis, ut id aut iucunde neges aut etiam non neges.
De petendi genere:
Tota petitio, cura, ut pompae plena sit, ut habeat summam speciem ac dignitatem, ut etiam, si qua possit ratione, competitoribus tuis exsistat aut sceleris aut libidinis aut largitionis accommodata ad eorum mores infamia.
Vos quid censetis, amici?
Valete. XI K. Oct.

Fatius munus deposuit
www.latinblog.org, quod prehendi e situ ansa.it

ROMAE – Rector Argentariae Italiae (Banca d'Italia), Antonius Fatius, munus hodie deposuit. ''Consilium libere, recta conscientia, captum est, ut natio et Italiae Argentaria, ipsorum causa, in tranquillitatem restitutae essent''. Haec in nuntio Argentariae leguntur. ''Omnia assidue fecimus nationis (et Europae) causa, legem servantes tantumque legitimis instrumentis utentes''.

Berlusconi: religiose Fatius se gessit
"Abdicationem Fatii exspecatavi: nam exspectavi ut Fatius officium religiosum et grave faceret". Dixit Primus minister Silvio Berlusconi in programmate televisifico quod "Porta a Porta" inscribitur.

Plura etiam (anglice) legas in situ nuntiorum BBC

M. Favonius sodalibus sal.
Nuper in ephemeride quadam Danica, quam Francogallica secuta est, Mahometus propheta ridiculum in modum effictus est. Qua imitatione iocosa permulti muslimi tantam sibi iniuriam inferri clamant, ut veniam dari non possit. Dani Francogallique paullum extra modum prodisse mihi videntur. Quid, si simili modo Moyses Iesusque ridicule picti essent, a Iudaeis Christianisque dictum iri putatis?
Quaeritur, qui modus libertati, quid sentiamus, dicendi scribendi pingendi a nobis constituendus sit.
Equidem, quod ad preli libertatem attinet, moderatione utendum esse censeo, idque imprimis si periculum est, ne religiones violentur; neque enim pax in terris erit nisi pace inter religiones facta. Nihilo minus vitia actionesque turpes etiam in hominibus religiosis reprehendi oportet, dummodo id modice atque sapienter fiat. Ita ergo agamus, ut inter nos semper in gratiam redire possimus.
Vos quid censetis, amici?
Valete. IV Non. Feb.

..

Zephyros Michaeli ceterisque sodalibus pariter omnibus sal.
Magnas tibi ago gratias pro litteris tuis, in quibus sententias tuas apertissime explicasti. Magnaque ex parte tecum consentio. Utcumque se habet res, quaestio digna videtur esse, quae in contrarias partes disputetur. Agitedum, sodales!
Valete. IV Nonas Februarias. Ex Rhenania frigore intolerabili astricta.

..

Phlebas sodales salutat

"Tantum religio potuit suadere malorum" dicit Lucretius noster.

Homo religionem probare non potest, sed plurimi ( "infiniti" utendum non est … ) interpretes deum invenies : tibi explicant verba dei (deumque); omnes dicunt veritatem se cognoscere : sed "veritates" multum inter se distant – id mihi satis ridiculus apparet.

Sed non ludunt et nomine Dei – horribile dictu – necare, segregare, mulieres humiliare, pueros stuprare, divitias sibi parare …

Ironia utendum est, sicut facit noster Pascal, homo religiosissimus (et mathematicus peritissimus (1) ): "Mon Père, ce mot de grâce actuelle me brouille; je ne suis pas accoutum

..

Phlebas Norico salutem

Pascal

Norice, veniam peto : non ausus sum vertere verba pulcherrima Pascali propter meam ignorantiam latinae linguae; sed conor (iterum veniam peto propter simplicitatem versionis):

Pascal questionem ponit sacerdote Societatis Iesu : "Non intellego quod sit gratia actualis." Sacerdos respondit: "Dogma habemus: actio quaedam peccatum non est, nisi ante Deus nobis dicit: cave! peccatum est!" …

Berlusconi



Vale quam optume

..

Hora mortis : Una vestrum ultima mea.

..