YLE Colloquia Latina

Lucius omnibus s. d. p.
Constat multos homines sententia illa uti, sed usus talis non verum est. Nam prior, prius est gradus comparativus adiectivi, ergo in casu ablativo scribendum est: a priore.
Censeo homines Latine non scientes et deinde incerte scripturos esse.
A. d. XII Kal. Apr.

Ericus Palmén Lucio Umbrio s.d.p.
Elocutiones A PRIORI et A POSTERIORI sunt termini philosophiae mediaevalis; veri simillimum est Romanos antiquos, si tales elocutiones invenissent, potius A PRIORE et A POSTERIORE scripturos fuisse. In multis mediaevalibus documentis Latinis occurrunt similes formae ablativi singularis comparativorum, quod evidenter analogiae gradus positivi tribuendum est. Cum enim e.g. ablativus singularis adiectivi BREVIS esset BREVI, aliquis ex hominibus mediaevalibus, qui lingua Latina iam non pro sermone patrio utebantur, perperam conclusisse videtur etiam in comparativo ablativum singularem in -I exire debere: BREVIS: BREVI ---> BREVIOR: BREVIORI, ac paullatim evenisse, ut haec mutatio morphologica invalesceret. Vale!

M. Favonius Erico Palm

Ericus Marco s.d.p.
Tibi gratias ago, quod locos litterarum antiquarum Romanarum, quibus ablativus singularis comparativi in -I exit, mihi indicasti; fateor me iis numquam antea occurrisse. Quod tales formae etiam apud optimos scriptores Romanos - licet raro - occurrunt, eo facilius intellectu est similes formas medio aevo invaluisse. Vale!

M. Favonius Erico Palm

Lucius omnibus s.d.p.
Nunc inveni in C. Sallustii bello Iugurthino:
[35]...Igitur, quamquam in priore actione ex amicis quinquaginta vades dederat...
Non semper tamen -i scribebatur

A. d. V Kal. Maias.