YLE Colloquia Latina

Permissione data, hos locos communes (graece "topoi") artis rhetoricae transformo in communibus locis scientiae geographiae...
Omnibus sodalibus Latinae linguae magnam quaestionem offero: quales sunt loci magis communes in nostro orbe hodie?
Ubi spes nostra unius humanitatis deposita est? Induco omnes in responsa cum aperto iudicio, itaque meam opinionem ineo :
Assuntionis civitatem, in Paraguaya terra, eligo, quia est Latina in sensu proprio (id est, aperta omnibus gentibus), item centrum Americae Latinae, item umbilicus Mundi Novi in hemispherio australe, item placida pulchra et preaecipue xenophila, item exemplum familiaritatis inter gentes. Populo Paraguayo lingua patria est illa guaranitica, sed multi hispanice loquuntur.
(Curiositas amicis totius mundi: ego Brasilianus, ergo lusitane loquor et tantum in somnis verum colloquium latine audio videoque; incredibile est mihi ut sodales europeos latine sponte tandem loqui possant).
Transeamus rursus ad positam quaestionem: Cui respondere placebit? Una eligamus, cari internautae, decem locos communes ad sempiternam amicitiam inter omnes populos. In tempore futuro omnes erunt personae "intracomunnitariae", et vocabula ut puta "extracommunitarius" et "veridistessera" (quae americani septemtrionales dicunt "greencard") feliciter abolita erunt.

Helcius Lignum wrote:...ego Brasilianus, ergo lusitane loquor ...

Viadrinus Helicio Ligno s.p.d.
id non comprehendo. puto Brasilianos portugalense loqui.
Vale!

Care Viadrine, s.p.d.,
Cur non me intellegis? Estne mea lingua Latina, per quam scribo, ab hodierna PortuCalense lingua affectata? Vel discrepantia est in vocabulo "Lusitano" pro "Portucalense"?
Si prima est quaestio, minima est. Clementiam tuam rogo ei qui primum et operose latine scribit.
Si secunda, explico. "Lusitania", post Romanum Imperium, antiquum nomen Regni Lusitaniae sero per saecula (et in saeculo XIX) est, propterea recte puto terram Lusitanam et linguam Lusitanam denominare.
Vale!
Cum amicitia,
HELCIVS

Viadrinus Helicio s.p.d.
"lusitane" verbum in thesauro meo quaesivi, sed "Lusitania" notationem solum inveni: "Lusitania regio in Hispania inter occasum solis et meridiem spectante est". id me perturbavit.
vale!
cum amicitia

Lucius omnibus sal.

Rectissime dicis, Helci, te Lusitanum esse, tuumque sermonem Lusitanicum (sed non "Lusitanum" puto — "Lusitanus -a -um" ad hominem, "Lusitanicus -a -um" ad rem, secundum morem). Hispania enim partibus compluribus composita erat, atque est, etiam hodie: Lusitania est pars paeninsulae Ibericae occidentalissima, quam "Portugal" Anglice vocamus. Lusitania ea patria ex Hispania secedit secundo millenio post Christum.

Sed Helci mi, non omnino intellego quid quaeris quoad "locos communes" attinet: tibine velis locos quibus pacificenter homines inter se nunc vivunt, aut pacificenter vivere possint? an de loco Latinitatis resurrectionis causa fortasse reperiendo loqueris?