YLE Colloquia Latina

Phlebas sodalibus salutem

Acta diurna legebam, multa de libertate inveniens, et meditabar quantum visio libertatis rapide mutet propter vicissitudinem nostrae societatis.

Americani expostulavere ut lex circa notitias personales in interrete positas modificetur: id est ut notitiae personales ab investigationibus praefecturarum tutiores sint, limites investigationibus posuere (1). Sed in Italia nostra iudices interceptiones ordinant et colloquia intercepta in actis diurnis publicantur.

In Italia administratores Google iudicantur propter exhibitionem pelliculae brevis in qua globus iuvenorum puerum imbecillum vituperat (2). Laudabilis intentio sed iudices responsabilitatem delegant administratoribus Google.

In Britannia libera commissio quae acta diurna vigilat (The Press Complaints Commission) diurnarium monet ne inaccurate in blog culpam criminorum una gente adtribuat (3). Non vetitum sed tempestivus monitus circa officia diurnariorum (et in actis diurnis et in interrete).

In Gallia iudices decreverunt ut generaliter burqua (id est velum islamicum integralem, qui totam personam celat) vetare non liceat, ne libertas personalis limitetur, et legem abrogaverunt (4): si libertatem tuam negare vis, fac ut videtur.

In Sina Google declaravit errores in machina quaestionum (search engine) non ex censione potestatium Sinenses oriri sed ex formula quaestionis (search parameter) quae similis est nomini situs radiophonici interdicti (5); id est: censio manet, solum opus est cum ea sapienter convivas.

Valete quam optume


(1) "U.S. Alliance seeks robust protection of web privacy", International Herald Tribune, Wednesday, March 31, 2010
(2) "Picchiano il compagno disabile e lo filmano, sei mesi di carcere ma a Google", Varesenews.it
(3) "In a first, U.K. press watchdog chides blog for accuracy", International Herald Tribune, Wednesday, March 31, 2010
(4) "L'interdiction générale de la burqua contraire au droit", Le Monde, Mercredì 31 Mars 2010
(5) "Google glitch does work of censor as China searches grind to a halt", Financial Times, Wednesday March 31 2010

Marcus Phlebae ceterisque sodalibus pariter omnibus sal.
Nostra imprimis aetate cum sceleratissimi territores, qui religionis mahometanae defensores se simulant esse acerrimos, omnibus gentibus pericula comparent summa, nemo est quin hac vexetur quaestione: Qua ratione duae inter se res coniungi possunt, civium libertas atque incolumitas? Homines ut a periculis defendantur, publicae curae ac velut tutelae esse debent, neque tamen immoderata consilia capere licet civitatum rectoribus: et incolumitas civium protegenda est et libertas. O rem difficillimam!
Valete. XVII Kal. Mai. Ex Rhenania inferiore.

Phlebas Marco salutem

Rectissime, Marce mi, ut soles, iudicas: difficile aequilibrium inter periculum externum et periculum, ut ita dicam, intestinum opus est experiamur: quomodo investigatores crimina invenire aut praevenire possunt, nisi violata liberate individuale?

Quantum periculi sit in potentia potestatum, historia saeculi praeteriti nos docet. Hodierna scientia informationis, mirum instrumentum communicationis, facillime in luctuosum instrumentum tyrannidis transformare potes.

Solum instrumentum libertatis cultura, ut cives vera ab falsa discernere possint.

Vale Marce mi, valete sodales

Phlebas sodalibus salutem

Propter nominem meum Punicum Phlebam, propter propinquitatem litorum Hesperiae Sardiniaeque, propter navigationes meas recentes ad ora Tyrias, propter amicos ex Mauritania, maxima cum curiositate nuntios lego de tumultibus popularibus qui extemplo per nationes finitimas Africae Septemtrionalis evolvunt. Et nonnulla argumenta meditationis nobis imponunt.

Preparatio novae culturae et velocitas extentions…

Articulus in hebdomadario "Foreign Affairs" inlustrat quomodo recentia instrumenta communicationis (praesertim interrete et retes sociales, ut ita dicam) primum adiuvent disseminationem idearum democratiae libertatisque, deinde (praesertim epistulas breves, anglice sms) velocitatem extensionis et compositionem tumultorum secundent.

Aetas gentium

Recens articulus in "Financial Times" (FT) insolitum prospectum proponit: demonstrat quantum populi Africae septemtrionalis iuvenes sint: inter quintus decimum et trigesimum annum aetatis invenies tertiam partem gentium: quantam vim in tam iuvenibus nationibus invenire potes et qantam instabilitatem politicam!

Ignorantia Occidentalium

FT, rectissime, adnotat quantum nobis (i.e. Occidentalibus, ut ita dicam, et praesertim Europaeis) ignotos sint mores Araborum, et addit: minus Araborum mores nunc cognoscimus quam maiores nostros, in Medio Aevo, cognoscebant. Verissime (et nunc ineptia speculatorum Occidentalium plane patet). Solum stabilitas politica regionis magno est in timore (olei causa), federa cum tyrannis renovamus et stulte instantias libertatis ignoramus.

Et Arabia?

Arabiam timide aspiciemus et quaestio nos percurrit: an censemus morarchia fines Peninsulae Arabicae defendere possit contra electronicam contagionem? Nemo putat pretium panis vitiose compressum desiderium libertatis Araborum frenare possit.

Libertas aut religio?

Propter instabilitatem gentium, apparentem absentiam politicae unitatis demonstratorum, apparentem carentiam adsensionis, potens causa futurae unitatis religio apparet. Timeo negotio possit in oppositas solutiones evoluere. Sed amicos Aegyptiacos interrogo et opinionem communem mihi ostendunt: praeter horrorem propter clades, nil timor integralismi (ut ita dicam); solum Occidentales integralismum timent, et ficte tyrannos timorem Occidentalium fovent.

Et nunc horrenda clades Libyca

Cum epistulam conficiebam nuntios et immagines de Libyca clade accepimus: centum, milia, decem milia rebelles telis aeronavium tyranni ceciderunt. Et occidentales, ubi sunt? America deprecatur, Europa balbutit … et Hesperia nostra subsidium petit propter "vastas migrationes ex Africa Septentrionalis". "Indignez-vous!" (Suscensete!) est titulus recentis libelli Gallice scripti. Non est quod addam.

Valete quam optume

Ex Gallia Cisalpina

De opinionibus politicis

Phlebas sodalibus salutem

Heri ephemerides "Il Sole 24 Ore" scriptum Iuliani Amati publicavere, in quo de fabricatione opinionum politicarum lucide tractat; scriptum, apud me, praetium ephemeridis valet.

Summatim thesin percurro.

Radices verae libertatis invenies in facultate fabricandi opiniones politicas, solutas a dogmatibus moderatorum nationum.

Antique consociationes (formales aut gratuitae) sicut lecticulae incubationis opinionum politicarum se offerebant: cives sua sponte se adgregabant ad disputandum de re publica; exempli gratia in cauponis caffariis, gumnasiis, librariis, thermis (et hammam in Turcia), plateis et cetera.

Recens inclinatio morum differentem formam familiae, officii otiique fert, momentum consociationum minuit et eorum functionem mutat, pariter tempus televisione dicatum rapide multiplicat.

Extensio televisionis, et generaliter instrumentorum communicationis popularium (anglice, et succincte, media), opiniones moderatorum late instillat, sine ulla discussione (id est sine vera opportunitate ad iudicium singularem formandum). Nationes occidentales libertatem praedicant sed cives republica excedunt, privatim agunt et numerus suffragantium continue declinat. Quaerendum est an istae sint verae libertates.

Rebelliones populares in Africa septemtrionali demonstrant quomodo interrete creationem opinionum politicarum liberarum adiuvet: in interrete novas societates continue invenis, ubi libere de politica disputant: fora, diaria interretialia (anglice blogs) ubertissimas sodalitates incorporeas ad libertatem quaerendam condunt.

Africa septemtrionalis viam nobis monstrat: spes novae libertatis in interrete posita.

Conloquamur igitur!

Valete