YLE Colloquia Latina

..

Mercurius omnibus suis sodalibus ridentibus s. d.

Maxime mihi placent ioci a te allati, amici! Et quod ad iocum tuum, norice, in quo de magistris illis agitur, illum in foro quodam hungarico iam recitavi, latine et hungarice (te esse eius auctorem admonere non oblitus):

http://forum.origo.hu/topik.jsp?id=52032

(vide nuncium nr. 1852)

Nunc et ego iocum vobis:

Duo amici in platea inter se cum conveniunt, unus "salve!" inquit "ut valet tua uxor?" et, cum in memoriam sibi revocatum sit uxorem amici sui iam annis quinque ante esse mortuam sepultamque, celeriter addit: "estne illa adhuc in eodem coemeterio?"

Valete

MH

Salvete quicquid est domi cachinnorum!

Narratiunculam foediusculam de Berlusconi:

Aliquando Berlusconi reginam Britannorum Elisabetham visuit. Ista Silvio regiam suam biga ostendenti, alter equorum desubito pepedit: pepedisse dixi, aut siquid verbi sonorius esse posset, puta dictum: ad summam, trotototom, crepitu tanto, quantus nonnisi superbo admissario dignus esset. Regina ineffabili verecundia involuta rubescens "Ignoscas" susurravit. At illi humaniter Berlusconi "Nil est - respondit - cedo quod id equom fecisse rebar!"...

Valete!

Libro vetere inspecto in hoc incidi facete dictum:

Vir quidam virgine clauda in matrimonium ducta ab inimicis ob imprudentiam irrisus Atqui inquit non eo illam ego duxi, ut cum illa venatum irem.

Mercurius sodalibus s. d.

Chachinnum maximum mihi moverunt ioci a vobis ad litteras mandati! Eheu, num Berlusconi tantopere agrestis rudusque sit? Quod ad puellam claudam, et ille iocus mihi placuit, et in memoriam mihi revocavit aliam anecdotam:

Cum symphoniaci Hungarici "Hobo Blues Band" nominati cantorem requirentes musicum excellentissimum unipedem sive altero pede privatum Gyulam Deák "Bill" visitavissent, vitio corporis eius ab uno symphoniacorum reprehenso alius "mehercle" inquit "non bellatorem pedifollicum quaerimus!"

Valete! Budapestini, a. d. III. Idus Iulii.

PS: quid, quaeso, Marce, in tua imagine est?

Marcus Mercurio optimo amico suo Hungaro s.d.p.
Partem conspicis lapidis*, qui exhibetur Noviomagi: magister est duobus circumdatus discipulus. Quod ad Noviomagum attinet, lege quaeso, quid Ausonius scripserit in Mosella (10sq.):

Et tandem primis Belgarum conspicor oris
Noiomagum, divi castra inclita Constantini.

Quam felicissimum tibi precor diem Solis.
III Id. Iul. Ex Quirini Campo.

-------------------------------------------------------------------------------
* http://www.neumagen-drohn.de/Bilder/kastelldenkmal-8.jpg

Iulia Marco Mercurioque sal.
Gratias pro avataris tui explanatione, optime Marce. At cuius imaginem tu elexisti, Mercuri? Num Matthiae Belii?
Valete!

Mercurius Iuliae s. d.

Ita Ille enim tam maximo honore apud me est, ut nil dubitarim eius imaginem eligere. Ibidem, eodem die.

Gratias, quod curiositati meae satisfecisti!

Merurius Marco suo s. d.

Ceteroquin, imago ista in tam minimam formam redacta gorillam quandam sedentem ostendere mihi videbatur... Ignosce mihi quaeso meam ignorantiam! Ibidem, eodem die.

gorillam... sedentem

Facetissime dictum, mi optime amice! Sed prorsus nescio, quomodo imaginis forma amplificetur. Quis consilio me iuvabit?

Iulia Marco suo sal.
nescio, num id fieri possit, quoniam imagines certam magnitudinem excedere non possunt. Ipsa aliquando imagine quadam uti volebam, neque feci, quia tam pusillam eam reddere oportebat, ut nihil iam in ea cerni posset, ergo consilium mutavi aliam imaginem eligens, scilicet decem marcarum, quippe quae Carolum Fridericum Gauss principem mathematicorum Gottingensem ostenderet, quam postea autem repperi solum Germanis aliquid significare - ut breviter dicam, Amicus quidam eam imaginem omnino prave interpretatus pro sene foedaque matheseos magistra me habebat. Ea de re adhuc iocamur. Altera imago puellam iuvenem ostenderet, at - pro dolor - ...
Vale, valete!

Bene, bene, Iulia mea optima! Cuius autem auxilio, o di immortales, Mercurius noster ingentem suam inseruit picturam? Stupor me invasit... Etiam atque etiam vale!

Itane tibi placet, optime Marce, ut ego nunc habeo? si ita, tibi mittam.

Placet, optima. Gratias maximas!