YLE Colloquia Latina

Marrrcus Tiberrri nunc RRR litterrram rrretegendam esse censet.

Mercurius Tiberi s.

scripsisti, amice, titulum pelliculae ignotissimae a te in Latinam linguam nunc conversum, ac sub lineis occultum esse; sed monere te velim, quod in meo nuncio primo scripsi, scilicet cavendum nobis esse, ne titulos parum notos proponamus. Vale. Datum ut supra.

Tiberis Mercurio et Marco sal.
O me neglegentem, qui immemor illius praecepti hoc proposuerim aenigma ! quid ergo ? num id deleamus ? at titulum, quamquam ignotum, a vobis,qui sagacissimi vos praestiteritis, investigatum iri mihi persuasum est. tamen difficili aenigmate opus est, ut Sphinx, quae toties fame perierit, tandem victrix discedat...
ecce littera R:
-E- / ---- / ----E---- / ----E--E---- / -E---E---- / -E-----

litteram R huic titulo non inesse apparet. ERRRROR primus !
valete.

Herimannus Tiberi sal.

Postquam doctam et propriam opinionem tuam de Unione Europea legi, ex te requiro ubi littera M inveniatur, antequam Somnus me deprehendat.

Novocomi, A. D. IV Nonas Maias

Tiberis Herimanno s.p.d.
ergo detegamus litteram M :
-E- / ---- / M---E--M- / ----E--E--M- / -E---E--M- /-E---M-

ceterum te non propter nuntium meum perlectum somno deprehensum esse spero..
vale.

Herimannus Tiberi

Adhuc vigilo, aliter ac te: video duas litteras L.
Vidistine umquam dormientem Sphingem?

Vale!

Tiberis Herimanno sal.
pro Iuppiter ! litteras potes praesentire,antequam patefactae sunt.mihi confitendum est te recte suspicatum esse.
-E- / ---- / M-LLE--M- / ----E--E--M- / -E---E--M- / -E---M-
quibus detectis verbum tertium facile investigatum iri puto.
vale.

Herimannus Tiberi

Non tertium sed primum verbum me pungit, nec me dormire concedet.
Ostende litteram S!
(tum dormiamus, labor novi diei exspectat!)

Tiberis Herimanno sal.
littera S,cum primo quidem verbo non insit, tamen aliquantulum valet in aenigmate solvendo:

-E- / ---- / M-LLES-M- / ----E--ES-M- / SE---ES-M- / SE---M-

vale.

Mercurius Tiberi s.

Ehem! Iam prope est finis! Videamus litteras I!

Tiberis Mercurio s.
iussu Mercurii ergo appareat littera I :
-E- / ---I / MILLESIMI / ----E--ESIMI / -E---ESIMI / SE--IMI
vale !

Marcus Sphingi Aequimontanae p.d.s.
Anxius animi tibi offero :
„Dea anni millesimi nongentesimi sexagesimi septimi (The Goddess of 1967)“.
Quod ad „sexagesimi“ attinet, S litteram a te neglectam esse suspicor.
Utinam clementem te praebeas in me!

Tiberis Marco denuo se superanti p.d.s.
cedo, Marce, tibi. nam iterum mea tela hebuere,
nil quod te lateat , Sphinx reperire potest.

vale !

Marcus cunctis amicis, imprimis Tiberi sal.
Tiberi, qui in aenigmatis proponendis assiduum, diligentem generosumque miris modis se praebuerat, denuo crudeliter superato me rubore quodam suffusum esse scitote, sodales. Qua de re intercapedinem mihi faciendam esse censeo: Ne quid nimis! Accedit, quod his ipsis diebus officii muneribus tamquam fluctu obruor. Quis ergo vestrum Sphingis personam suscipiet? Equidem paululum recedere paratus sum.
Valete quam optime.
iv Non. Mai.

Herimannus Sphingis amicis sal.

Libenter, sodales, sceptrum immeritum sumerem, nisi mihi gratissimum iter, ut alibi scripsi, incumberet; quapropter censeo me colloquia nonnullos per dies visere nequire (nequire?).

Valete!

Novocomi, a. d. III Nonas Maias.