LECTIO MAGNA

Colloquia de litteris Latinis

Moderators: Moderator, Redactio Interretialis

Emitteby Mercurius Hungaricus on Iov 21 Iul, 2005 0.41

Mercurius sodalibus s. d.

Hilari animo vestras epistolas, o Erice ac Gaston, hodie perlegi, sed, quod maxime doleo, fusius vobis respondere non possum, magna vini copia (quod in Hungaria felicissime provenit) sepultus. :roll: In diebus porro nunc sequentibus rus profecturus sum, ubi facultas ad interretum adeundi mihi non dabitur; quam ob rem non nisi die Mercurii nuntios vobis, o amici carissimi, scribere potero. :( O Lucia Aurelica, amica callidissima!! Iam tu sola ordinem librorum nobis non ostendisti!! Valete. Budapestini, d. XII. Kal. Aug.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Iulia on Iov 21 Iul, 2005 22.27

Iulia sodalibus sal.

Modo hos inveni versus Iani Pannonii vere dignos, qui hic citentur:

Hoc unum semper quaeris, superetne Maronem
Tullius, an maior sit Cicerone Maro?
Nescio, verum illud belle scio, quod tibi nunquam
est visus, Procopi, nec Maro nec Cicero.
:wink:

Valete. :lol:
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Emitteby Lucia Aurelica on Lun 25 Iul, 2005 19.01

Lucia Aurelica sodalibus s.d.p.
Rogo atque oro ut moram mihi ignoscatis absentia mea longa hoc in ludo imprudenter provocatam :oops: Per tempus certum computatore uti non potui, nunc tamen etiam sententiam meam dicere velim:

XI – Taciti Germania
X – Horatii carmen ad Leuconoen
IX – Horatii carmina
VII – Gesta Romanorum
VII – Phaedri fabulae
VI – Catulli carmina
V – Ciceronis orationes in Catilinam

Cetera opera maximo cum pudore meo :oops: non legi; ordinem eorum non possum explicare nisi eo quo de iis unquam audivi:

IV - Ovidii metamorphoses
III - Augustini Confessiones
II - Sallustii liber de coniuratione Catilinae
I – Ciceronis Cato maior de senectute

Iterum iterumque veniam vestram peto.
Valete quam optime!
Homo somnians
Lucia Aurelica
 
Nuntii: 57
Nomen dedit: Sol 15 Mai, 2005 8.56
Location: Russia

Emitteby Mercurius Hungaricus on Mart 26 Iul, 2005 0.59

Mercurius Luciae s. d.

Hoc erat in votis! :D Melius enim sero, quam nunquam. Sed, ut haec verba attrita desinam, gratias tibi, o Lucia, quod tandem nos de opinione tua certiores fecisti (miser Catulle!). Cum ergo ab omnibus, qui adhuc ludi participes fuerunt, puncta pro illis XI operibus data huc pervenerunt, cras iam punctorum illorum rationem habere atque opera V, quae praeter illa VII in certamen finale admittentur, vobis enuntiare potero. Vale ac valete. Budapestini, d. VII. Kal. Aug.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Mercurius Hungaricus on Mart 26 Iul, 2005 22.31

EVENTUS SECTIONIS SECUNDAE

Salvete sodales!

Marcus, qui primus puncta a se data olim publicavit, iam tunc exspectatione se torqueri non sine sale dixit. Nos autem, postquam suam quisque sententiam de illis operibus feliciter dedisset, torturas amici nostri Marci iam non patiens, :D eventum secundae sectionis nunc palam facio:

EVENTUS:

PARTICIPES: IX
SUMMA OPERUM: XI
SUMMA PUNCTORUM: DXCIV (PUNCTA [XI+X+IX .... +I] x IX)

I. Horatii Carmina (puncta LXXVII)
II. a.) Catulli Carmina (puncta LXX)
II. :!: b.) Taciti Germania (TOTIDEM :!:)
III. Sallustii liber de coniuratione Catilinae (LXIX)
IV. Ciceronis orationes in Catilinam (LVIII)

Haec sunt victores. Ecce opera, quibus valedicere cogimur:

V. Ovidii Metamorphoses (LV) (!)
VI. Ciceronis Cato maior de senectute (LII)
VII. Phaedri fabulae (XLVII)
VIII. Horatii carmen ad Leuconoen (XXXIX) (ehem, huic carmini valedicere non debemus :D)
IX. Augustini confessiones (XXIX)
X. Gesta Romanorum (XXVIII)


Ecce ergo series operum XII in certamen finale admissorum (ordine alphabetico:)

I Catulli carmina
II Ciceronis orationes in Catilinam
III Horatii Carmen III. 9.
IV Horatii carmina
V Livii Ab Urbe Condita Libri
VI Lucretii de rerum natura libri VI
VII Sallustii liber de coniuratione Catilinae
VII Senecae Epistulae Morales
IX Taciti Annales
X Taciti Germania
XI Vergilii Ecloga I
XII Vergilii Aeneis


Cras regulas sectionis tertiae a me excogitatas - ut puto, optimas :D -vobis ostendam. Sed nunc libenter legerim, quid de eventu censeatis. Valete. Budapestini, d. VII. Kal. Aug.
Last edited by Mercurius Hungaricus on Iov 28 Iul, 2005 11.08, edited 1 time in total.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

De ordine operarum

Emitteby Herimannus on Mart 26 Iul, 2005 23.11

Herimannus Mercurio

Me abhinc ovidicida appellate!

Ne me contemnatis!

Valete.

Novocomi, a. d. VI K. Aug.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Marcus Favonius on Merc 27 Iul, 2005 0.24

Marcus Mercurio probatissimo certaminis nostri praesidi s.p.d.
Equidem vix indicem enixo abs te, mi amice, studio exhibitum diligenter perlegeram, cum magno me animi cruciatu liberatum esse sensi :D . Quinque enim libros a me electos, id est circiter XLV centesimas, in victorum numero esse video. Quamvis magna laetitia affectus sim, tamen certamen nondum ad finem perductum esse scio. Qua re iterum in carnificinam me datum esse confiteor :roll: . Ita est, mi Mercuri: Ludentium exspectationem exquisitis certaminis regulis ingeniose suspendis. Optime vale. VI K. Aug. Ad Cornicum Campum.
Last edited by Marcus Favonius on Merc 27 Iul, 2005 7.57, edited 2 times in total.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Marcus Favonius on Merc 27 Iul, 2005 0.26

Marcus Herimanno ovidicidae s.d.p.
Ovidius, mi amice, cum in poetarum caelum feliciter receptus sit, se denuo relegatum esse aequo animo patietur; vera enim sua intellexit esse verba: „quaque patet domitis Romana potentia terris, / ore legar populi, perque omnia saecula fama, / siquid habent veri vatum praesagia, vivam“. Optime vale. VI K. Aug. Crefeldiæ.
:D
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Iov 28 Iul, 2005 9.26

PERIODUS TERTIA

Mercurius sodalibus s. d.

Nunc ergo, qua ratione e quibus XII unum eligatur, meam opinionem vobis explicare velim. Paria sex e XII creanda, quae sive genere litterario, sive mole id est longitudine inter se quoquomodo similia sunt. Haec paria excogitavi:


I. Catulli carmina - Horatii carmina

II. Titi Livii ab urbe condita libri - Taciti Annales

III. Sallustii de Catilinae coniuratione liber - Taciti Germania

IV. Horatii carmen III. 9. - Vergilii ecloga I.

V. Vergilii Aeneis - Lucretii de rerum natura libri XII

VI. Senecae epistulae morales - Ciceronis in Catilinam orationes


Certe nec me praeterit Senecae epistulas atque Ciceronis orationes inter se haud conferri posse: sed nec opus philosophicum ullum praeter Senecam, nec oratorium praeter Ciceronis illud in serie reperitur. Opera vero cetera satis feliciter esse coniuncta puto.

METHODUS:

I. SECTIO PRIMA sex hebdomadibus constabit; in singulis enim hebdomadibus singula opera e paribus illis sex a nobis eligetur. Ratio suffragii simlex est: quod plus a nobis tulerit punctorum, illud vincet. Victores in diebus Dominicis enunciabuntur. Hoc modo sex opera sectionem certaminis primam superabunt.

II. SECTIO SECUNDA septimanas duas durabit; ex illis enim sex operibus duae turmae tribus operibus constantes creabuntur, ex quibus unum per suffragia nostra eligetur. Qua ratione opera duo remanebunt.

III. in SECTIONE TERTIA SIVE FINALI e duobus illis operibus utrum victor sit, per puncta a nobis data discernetur.


Nunc sodales, si quid vobis in hac methodo displicuerit, sine mora de eo me edocete! Valete. Budapestini, d. V. Kal. Aug.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby soter on Iov 28 Iul, 2005 14.20

Soter optimo Mercurio et clarissimis Sodalibus s.p.d.

Si ita est, sicut quidem est, ut diligentia una ex fortium virtutibus sit, tu, diligentissime Amice mi Mercuri, nullo dubio fortissimus es !!

Maxima, enim, cum prudentia atque solertia certamen exclusorium administravisti et accuratissime indicem operum duodecim in certamen finale admissorum curavisti.

De paribus sex creandis, de rationibus ad bina opera congreganda atque de methodo, tuum consilium optimum mihi videtur: de tua acuta inventione atque excogitatione tibi gratulor !

Quod, denique, ad “meosâ€
soter
 
Nuntii: 194
Nomen dedit: Lun 28 Mart, 2005 0.21
Location: Neapolis, Italia

Emitteby Marcus Favonius on Iov 28 Iul, 2005 22.44

Marcus Mercurio suo s.p.d.
Res non recipit cunctationem: Placet et mihi methodus sollertissime abs te, optime mi amice, excogitata, quippe quae mentem intentam sane habeat et suspensam :D . Ne ergo quid morae interponatur, ecce suffragium meum hodiernum: I - Horatii carmina. Cetera alias.
Vale. V K. Aug. Crefeldiæ.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

De certamine progrediente

Emitteby Herimannus on Iov 28 Iul, 2005 22.53

Herimannus Mercurio Hungarico ceterisque sal.

Hanc similitudinem inter Lectionem Magnam et certamen paedifollicum iucundam ac singularem invenio, Mercuri, nec ullo modo dedecere nobilitati auctorum, de quibus colloquimur. Si bene intellegi, in sectione prima unum par septimana unaquaque unum victorem praebebit, e. g. V contra IV aut VI contra III punctos recipiendo (si novem suffragia tulerimus); oportere censeo suam quemque rationem eligendi paucis sententiis (ut scitis, ego sum brevissimus omnium in scribendo) demonstrare: sic omnes, ego praesertim, qui per numeros atque analyses dies perago, binas operas septimanatim percurrendi facultatem habebimus, itaque amorem litterarum renovandi.
:lol: Faveo ergo libenter proposito modo. :lol:

Hoc tantum de me nunc obstat, quod die Martis, postridie Kalendas Augustas, proficiscar per dies septem ferias agens, qua re nescio utrum de primis paribus eligere possim an non; alioquin privatim Mercurio suffragia mea antemittam.
Valete, amici!

Novocomi, a. d. V Kalendas Augustas.
Herimannus
 
Nuntii: 302
Nomen dedit: Mart 16 Mart, 2004 1.29
Location: Italia septemtrionalis

Emitteby Mercurius Hungaricus on Ven 29 Iul, 2005 1.22

Mercurius sodalibus s. d.

Gratias pro vestris litteris, amici, in quibus meo consilio annuistis. Verba tua laudatoria, mi Soter, quasi calcar mihi dederunt ad hoc certamen etiam in futuro quam diligentissime gubernandum. :D Mi Marce, festina, quaeso, lente! :D Etsi maxime laetor tam cite te sententiam tuam in primo duello tulisse, tamen, quia sectio prima periodi tertiae Kalendis Augustis incipiet (quod vero vobis enuntiare oblitus sum :oops:), quamvis diffcile sit, paullulum a suffragio ferendo nos retineamus oportet :D. Recte porro censuit Herimannus noster suam cuique rationem eligendi paucis sententiis demonstrandam; etiam melius esset, si de operibus illis fusius disputaremus, immo unus alteri persuadere contenderet, ut hoc illud opus eligeret. :wink:
Mi Herimanne, haud miror illis regulis periodi finalis intellectis certamen paedifollicum tibi in mentem incidisse; quippe qui homo Italus, id est paedifollii amantissimus esse mihi videris. :D (obiter dictum et mihi illud in mentem incidisse :wink:) Doleo te in septimana proxima forum nostrum non esse aditurum. Sed postea, ut spero, hic eris. Nunc autem vere nihil commodius videtur, quam ut opinionem ac suffragium tuum privatim ad me emittas; quem nuntium Kalendis Augustis huic colloquio sine mora inseram.
Valete. Budapestini, d. IV. Kal. Aug.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

Emitteby Marcus Favonius on Ven 29 Iul, 2005 9.46

Marcus Mercurio suo s.
Equidem in suffragio ferendo me ruisse confiteor :oops: . Quod mihi ignosce quaeso, benevole certaminis praeses! Libentissime tibi Herimannoque consentio argumentis esse agendum. Ad quae excogitanda satis mihi nunc temporis datum esse gaudeo. Vale. IV K. Aug. Crefeldiæ.
Marcus Favonius
 
Nuntii: 1125
Nomen dedit: Lun 15 Mart, 2004 12.05
Location: Germania Inferior

Emitteby Mercurius Hungaricus on Lun 01 Aug, 2005 8.56

DUELLUM PRIMUM: CATULLUS AUT HORATIUS?

Salvete sodales!

In hac septimana ergo unus vobis ludentibus eligendus est e duobus poetis supra memoratis, ac etiam causae, cur hunc aut illum elegeritis, vobis explicandae. Agite! :D Budapestini, Kalendis Augustis.
Veritate duce, comite labore.
Mercurius Hungaricus
 
Nuntii: 806
Nomen dedit: Mart 16 Mart, 2004 10.24
Location: Pannonia Inferior

PreviousNext

Return to Litterae Latinae

Qui adsunt

Users browsing this forum: No registered users and 0 guests

cron