Suntne feminae, quae latine loquuntur.

Colloquia de aliis thematis

Moderators: Moderator, Redactio Interretialis

Suntne feminae, quae latine loquuntur.

Emitteby Mingau on Mart 13 Ian, 2009 0.06

Salve! Ut mihi videtur, solum viri discunt et loquuntur Latine. Suntne feminae in hoc foro?
Mingau
 
Nuntii: 3
Nomen dedit: Lun 12 Ian, 2009 23.17

Re: Suntne feminae, quae Latine loquantur?

Emitteby Ericus Palmén on Merc 14 Ian, 2009 11.58

Salve, Mingau!
Et bene adveneris in forum nostrum colloquiorum Latinorum. Quaeris, utrum viri solum an etiam feminae sint, quae in eo Latine discant et loquantur. Si e.g. indicem argumentorum perlegeris, quae sub hoc ipso titulo 'Alia themata' occurrunt, iam in prima pagina duo invenies nomina feminea: Iuliam et Tullianam. Harum utraque complures huc nuntios eleganti Latinitate scriptos misit. Equidem alias quoque feminas novi vivam Latinitatem eximie colentes, quae in periodicis Latinis regulariter scribere solent. Te optime valere iubet Ericus Palmén.
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Re: Suntne feminae, quae latine loquuntur.

Emitteby Mingau on Sat 17 Ian, 2009 3.14

eas vidi. puto autem plures viros latine loquentes esse. bene, vidisne tu Erice hunc videonem? http://www.youtube.com/watch?v=CkN7NIyzpkg . ego puto multum bonum esse. cupio discere iiscum. in hoc ludo verum multae feminae sunt. bene, non solum ob eam causam volo ibi studere. quid putas tu?
Mingau
 
Nuntii: 3
Nomen dedit: Lun 12 Ian, 2009 23.17

Re: Suntne feminae, quae latine loquuntur.

Emitteby Ericus Palmén on Lun 19 Ian, 2009 11.39

Salve, Mingau!
Tibi gratias ago, quod te duce mihi vivacissimum inter magistrum et discipulos discipulasque colloquium Latinum interretialiter observare licuit. Novi bene illum magistrum Italicum praestantissimum: is est Aloisius (v. Luigi) Miraglia, quem in compluribus seminariis vivae Latinitatis conveni. Praecipue recordor nonum conventum internationalem Academiae Latinitati Fovendae, qui mense Augusto anni millesimi nongentesimi nonagesimi septimi hic Granivici, in capite Mediae Finniae, celebratus est. Huic conventui ille non solum interfuit, sed etiam quosdam discipulos et quasdam discipulas huc attulit et coram magna multitudine Latinistarum e diversis terris oriundorum eximie demonstravit, qua ratione institutio linguae Latinae tam viva fieri posset, ut omnes velut interna necessitate adducti ad Latine loquendum arriperentur. Idem fit in pellicula, quam mihi commendavisti, egoque pro mea parte omnibus amicis vivae Latinitatis suadeo, ut eandem pelliculam (http://www.youtube.com/watch?v=CkN7NIyzpkg) inspiciant et puellas in ea Latine loquentes admirentur. Meminerimus tamen perpaucos Latinistas tanta, atque Aloisium, naturali facilitate Latine fluenter loquendi dotatos esse; unicuique eo tendendum est, ut pro sua facultate Latinitatem viva ratione colat ac, si velit, aliis quoque studium idem faciendi inicere conetur. Ipse commemorare velim esse quidem inter pristinos discipulos meos necnon inter pristinas discipulas, quibuscum interdum electrogrammata Latina commutem atque etiam, si forte convenimus, sua sponte Latinum oriatur colloquium; sed frustra - heu! - iis persuadere conatus sum, ut timore mendorum deposito e.g. in hanc aream colloquiorum Latinorum nuntios mitterent. Num timor mendorum est initium sapientiae??? Valeto!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Re: Suntne feminae, quae latine loquuntur.

Emitteby Beatus Bernardus on Mart 20 Ian, 2009 15.59

Erico s.p.d. Beatus Bernardus,

Egomet quoque Aloisium novi, cui nuper obviam ii inter participtantes Certaminis Latinitatis Vaticani anno MMVIII. Scisne, Erice, an constitutum iam sit conventum aestate inenunte haberi similem illi quem nobis enarrasti? Ut valeas.
Ubi amici, ibi opes.
Beatus Bernardus
 
Nuntii: 89
Nomen dedit: Sol 18 Iul, 2004 4.19
Location: Italiae

Re: Suntne feminae, quae latine loquuntur.

Emitteby Iulia on Mart 20 Ian, 2009 19.34

Iulia Bernardo Erico Mingau s.p.d.
Academia Latinitati Fovendae mense Septembri huius anni celebrabit conventum Ratisbonae in Germania ad memoriam pugnae Varianae renovandam. Vide hic: http://www.academialatina.org/conventusxii.html
Mingau, ut feminas Latine loquentes invenias, etsi modo ita pareat, Aloisius Miraglia non ille est, apud quem quaerendum sit: Ille enim rector est Academiae, in qua sola adhibetur lingua Latina, sed a qua nefastissime feminae sunt prohibitae. Sunt autem et alii, qui iucundissimas scholas in Latine loquendo habere solent - inter primos in mentem mihi venit David Morgan, sed accepi etiam Annulam Llewellyn lepidissime docere (non interfui illi eius scholae), neque desunt alii.
Valete!
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Re: Suntne feminae, quae latine loquantur?

Emitteby Ericus Palmén on Merc 21 Ian, 2009 14.36

Ericus Iuliae et Bernardo et Mingau s.d.p.
Perlecto recentissimo nuntio tuo, Iulia, me velut solum Hierosolymis peregrinum esse sentio (cf.Vulgata, Ev.Luc.24:18 necnon Cic.Or.Mil.12,33); numquam enim antea audivi ab Academia, cui nomen est Vivarium Novum, ut scripsisti, nefastissime feminas esse prohibitas. Si ita est, quaenam erant illae, quae discipulae Aloisii nono conventui Academiae Latinitati Fovendae hic Granivici interfuerunt? Et quaenam in pellicula, de qua Mingau nos certiores fecit, eodem duce Latine loquuntur? Inter alumnos Vivarii Novi, qui mense Aprili anni 1998 me conventui didactico Montellae habendo interfuturum in aeriportu Neapolitano benigne acceperunt, itidem adulescentes utriusque sexus erant.
Sine dubio etiam ii, quorum nomina commemoravisti, discipulos suos optime ad Latine loquendum sciunt inducere. Annulam Llewellyn Latinitatis docendae peritissimam esse novi in multis conventibus et seminariis vivae Latinitatis. Occasione oblata addantur in indicem feminarum Latine egregie docentium quaedam nomina: Francisca Deraedt, compositrix periodici Latini Bruxellensis Melissae, Sigrides Albert, moderatrix Vocis Latinae, periodici Saravipontani, Inga Pessarra-Grimm in L.V.P.A. de Latinitate colenda optime merita, Bohumila Mouchová, lumen Latinitatis Pragensis. Etiam cum Genovefa Immè, Latinista Palensi rude donata, qua moderante M.A.S. usque divulgatur, iam prope viginti annos commercium epistularum Latinarum habeo.
Denique quod ad occasiones proxime futuras Latine loquendi eademque lingua loquentes audiendi attinet, vos etiam Vocis Latinae fasciculum 174 delego, in quo (p.552-555) seminaria vivae Latinitatis a Societate Latina in annum 2009 adumbrata enumerantur. Valete!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Re: Suntne feminae, quae latine loquuntur.

Emitteby Beatus Bernardus on Merc 21 Ian, 2009 19.40

Erico et sodalibus s.p.d. Beatus Bernardus

Tibi gratiae, Erice, agendae sunt tuam ob animadversionem varia in conventicula ad vivum Latinum sermonem favendum. Praeterea inter istas feminas docentes quae a vobis iam nominatae sunt, addendum est nomen Milenae Minkovae, optima eruditaque doctrix quae permulta iam fecit ut conventiculum necnon academia apud universitatem Kentukianam bene gerantur. Si Iulia alia in animo habet de sexu in Vivarium Novum admittendo, audiamus. Valete.
Ubi amici, ibi opes.
Beatus Bernardus
 
Nuntii: 89
Nomen dedit: Sol 18 Iul, 2004 4.19
Location: Italiae

Re: Suntne feminae, quae latine loquuntur.

Emitteby Iulia on Merc 21 Ian, 2009 20.57

Iulia Bernardo, Mingau, sed imprimis Erico s.p.d.
Intellego te mirari, Erice, sed tamen ita res se habent, quamquam nescio quando lex illa lata sit. Memoria tene me anno illo, quo conventum illum egistis, ne syllabam quidem Latine scivisse! Audivi et ego olim et puellis patuisse Academiam, sed dein "difficultates" ortas esse, qua de causa puellae omnino expellerentur; constat autem hodie Vivarium Novum puellis interdictum esse. Dicunt causam esse locum non sufficere, ut partes seperatas habeant utrique sexui destinatas, et revera aedificium non tam amplum est, sed ubi primum novas aedes possessuri sint, certe etiam feminas rursus admissum iri... Suspicor ego spatium non solam causam esse, cur feminae exclusae sint, imprimis si mecum delibero, quanti faciat Aloisius integritatem morum, qui studentibus suis vel vinum quidem prohibet... Puellae quidem in pellicula ostensae non sunt Montellae scilicet exceptae, sed in Hispania.
Valete!
Quaecumque a proavis tibi sunt commissa benignis,
compara ut illa tibi propria possideas!

- mathesis localiter trivialis -
Iulia
 
Nuntii: 569
Nomen dedit: Lun 15 Mart, 2004 18.08
Location: Saxonia Inferior

Re: Suntne feminae, quae latine loquuntur.

Emitteby Beatus Bernardus on Sol 25 Ian, 2009 22.15

Iuliae s.p.d. Bernardus

Mihi videtur, Iulia, nonnulla te hac de Academia prope Neopolim bene novisse. Si te non multum taedet, et si honori hominum qui iuxta illam opere funguntur non pessum dederit, ipse cupio alia de recentiori istius Academiae historia necnon de normis eius exaudire. Quae si latentius dicere mavis, litteras in capsellam meam privatam mittere potes. Vale.
Ubi amici, ibi opes.
Beatus Bernardus
 
Nuntii: 89
Nomen dedit: Sol 18 Iul, 2004 4.19
Location: Italiae

Re: Suntne feminae, quae Latine loquantur?

Emitteby Ericus Palmén on Sol 25 Ian, 2009 23.37

Ericus Iuliae s.d.p.
Ea, quae recentissime scripsisti te cognovisse et suspicari, me sollicitant. Spatii inopia nequaquam iusta videtur esse causa feminas, quibus antea licuerit in Vivario Novo aequaliter cum viris Latine discere, postea repente inde excludendi. Dixisti “revera aedificium non tam amplum” esse, ut “partes separatas” praebere possit “utrique sexui separatas”; ante initium tertii millennii alia fuit condicio rerum? Utique nunc par est observare, quid futurum sit. Speremus suspiciones tuas vanas esse, id est eos, qui in Academia summam tenent imperii, quae promiserunt, exsecuturos esse et novis aedibus in usum receptis profecto “etiam feminas” eo ad Latinitatem discendam “rursus admissum iri”; alioquin periculum erit, ne Vivarium Novum in Circulum Austerorum Virorum mutetur, atque quaeri oportebit, quare in Hispania, ubi Aloisius Miraglia etiam puellas Latine docuerit, liberius agatur quam in Italia. Et quae tandem est ista “lex” a te in initio nuntii tui memorata, quae manifesto pro discriminatione sexuali haberi potest? A quo lata et in quo denique “senatu” stabilita? Cuinam organo publico illa Academia in universum de actionibus suis responsalis est? Utinam vestigia istius legis ne in Civitatem Vaticanam ducant, quam Latinitatis quidem patronam esse constat, sed de aequalitate virorum et feminarum provehenda minus bene meritam. Vale!
Ericus Palmén
Ericus Palmén
 
Nuntii: 273
Nomen dedit: Lun 01 Mart, 2004 14.32
Location: Media Finnia

Re: Suntne feminae, quae latine loquuntur.

Emitteby Helcius Lignum on Iov 12 Mart, 2009 5.42

De temporibus praesentibus nescio, sed forsitam interest de legibus antiquis. Jurisconsulti Romani de fragilitate sexus muliebris loquabantur (e.g. Institutionibus Iustiniani I.2.8pr.). Ridicula fuit prohibitio, in Romano iure, quae vetabat officium advocationis feminis. Per culpam unius feminae, nomine Carfaniae, omnes feminae per multos annos postulare (id est, vocem emittere in tribunalibus vel in foro) non potuerunt....
Repetita non magis adjuvant.... Triste est videre exempla hodierna de interdictione.
Vivant feminae! in silentio aut in vocibus semper erunt eloquentes!

[Fons, tantum ad argumentandum (quia difficile est intellegere rationem iuris et linguam iuridicam): Digesta Iustiniani, 3.1.1.5, ex libro sexto de commentariis ad Edictum Ulpiani: "secundo loco Edictum proponitur in eos, qui pro aliis ne postulent: in quo edicto excepit praetor sexum et casum, item notavit personas in turpitudine notabiles. sexum: dum feminas prohibet pro aliis postulare. et ratio quidem prohibendi, ne contra pudicitiam sexui congruentem alienis causis se immisceant, ne virilibus officiis fungantur mulieres: origo vero introducta est a Carfania improbissima femina, quae inverecunde postulans et magistratum inquietans causam dedit edicto."]
Ut imperator philosophus eleganter docuit, cives sumus totius mundi
User avatar
Helcius Lignum
 
Nuntii: 4
Nomen dedit: Iov 12 Mart, 2009 3.14
Location: Sanctus Paulus, Brasilia


Return to Alia themata

Qui adsunt

Users browsing this forum: No registered users and 0 guests

cron