YLE Colloquia Latina

Iulia omnibus sodalibus salutem.

Hoc colloquium institui, ut locum idoneum habeamus, quo de theatro recentiore, de musica, de pelliculis disputemur.

Ut ipsa faciam principium: In cinematographeo quodam Gottingensi fient "dies pelliculae Europaeae orientalis" (Osteurop

Mercurius Iuliae s. d.

Certe lis iam diu agitur de eo, quaenam Europae pars "Europa orientalis" nominanda sit; nunc vero legite, quid de eo Hungari, Bohemi Polonique putent. Qui enim populi iudicium ut dicitur Salamonis tulerunt: territorium enim, in quo republicae suae extenduntur, "medio-orientalis Europa" ab eis appellatum est. Nolite credere me iocari, quamvis illud ridiculum sit!

Quod ad pelliculas istas Hungaricas, illam "Kontroll" ac "Hukkle" vidi, quarum pellicularum tibi "Kontroll" commendarim. De recensoribus in illa agitur, qui in machinis subterraneis (U-Bahn) schedulas viatorum recensent. Vale ac valete. Ex castro Budensi, d. XIII. Kal. Dec.

Lucia Iuliae s.d.
Doleo non posse plene ad quaestionem tuam respondere, quia ipsa e peliculis a te anumeratis nonnisi unam solam vidi, eandem ac tu, id est “Cuculumâ€

..

M. Favonius Norico sodali artis cinematographicae studiosissimo ceterisque sodalibus pariter omnibus sal.

Equidem concedo, amice mi optime, ut entia, ita etiam themata non esse multiplicanda praeter necessitatem; sed – pace tua dixerim – nonne tu quoque, cum verba „novicius paginam laudat“ scripsisti, novum thema sine necessitate posuisti? Nonne illud „Novus es in foro? Huc accede!“ satis aptum erat thema?

Nunc autem – remoto ioco – ad pelliculam illam Americanam a te fuse atque diligenter enarratam. Abel Ferrara tot, tantas tamque graves proponit quaestiones, ut benigna nobis materia ad disputandum praeberi videatur. Sed pelliculam ipsam diram esse suspicor. Forsitan errem. Plura in hac epistula scribere mihi non licet; neque enim pelliculam novi, nondum... - scis me non in metropoli, sed quasi ruri vivere. Utique magnas tibi gratias ago, quod de „Addictione“ pellicula sane philosophica nos commonuisti.

Curate, ut optime valeatis.
Pridie Idus Martias.
Ex Rhenania inferiore desiderio veris flagrante.

..

..

Bubo ceteros salutat sodales

si ualetis bene est. ego quidem ualeo. nuper hanc imaginiferam stationis teleuisificae Germanicae ZDF (http://www.3sat.de/kulturzeit) inueni, in qua Latinus solum sermo adhibitur idque bene quidem pronuntiatione, ut dicitur, classica:

mms://ondemand.msmedia.zdf.newmedia.nacamar.net/zdf/data/msmedia/3sat/08/08/080823_extra_latein_kuz_vh.wmv *

haec relatio teleuisifica sine ulla dubitatione uisu digna est atque maxime eis plaudo, qui opus nauauerant eam non modo producere sed etiam teleuisionis atque interretis gratia edere! ualde admirandam quoque facundiam moderatricis (http://www.3sat.de/dynamic/sitegen/bin/sitegen.php?tab=2&source=/kulturzeit/redaktion/69152/index.html), quae fluenter et sine ullis fere mendis Latine locuta est. id solum mihi displicuit in finem cantum hodierni generis ("Rap") Latine exhiberi, quoniam contradictio est rhythmum externum in antiqua lingua adhibere, quae ipsa rhytmum syllabis longis breuibusque facere solita est.
spectanti autem mihi duas res grauissimas occurrisse scitote: primum, ut Latinitas uiua atque capax res nostrae aetatis explicandi facile palam fieret, deinde, ut sermo Latinus ad nostrum tempus eadem facilitate reuerteret, modo id et uellemus uel elaboraremus. sed haec ad uiuam Latinitatem uia non nisi per media noua ingredianda fore uidetur. haec quam apta ad talem usum sunt, imaginifera conspecta uos breui intellcturos esse arbitror.

ualete quam optime


* si *nix systematis estis usores installetis "mimms" programma (http://savannah.nongnu.org/projects/mimms), cuius beneficio uobis fluctum interretialem (mms://) conseruare licebit.